Երեկ հայտնի է դարձել, որ անօրինական ներգաղթյալների համար նախատեսված մեկուսարանից ազատ են արձակվել 6-ամյա Վազգեն Ասիրյանն ու նրա հայրը: Ինչպես տեղեկացնում են իրավապահները, դա արվել է բժշկական պատճառներով (հավանաբար, ձերբակալվածներից մեկի հիվանդության պատճառով):
«Առաջին լրատվականն» անցած շաբաթ, հղում կատարելով Paris Match-ին, գրել էր, որ ֆրանսիական Լանժեակ քաղաքում հունվարի 10-ին քաղաքացիական հագուստով ժանդարմները ձերբակալել են վեցամյա մի տղայի` Վազգեն Ասրիյանին: Նրան բերել են Նիմ քաղաքի բանտ, որտեղ գտնվում է նրա հայրը` խորթ մոր հետ: Հայրը ձերբակալվել է բենզինի գողության համար: Վազգենի հորը անցած տարվա աշնանը մերժել էին ապաստարան տրամադրել, ինչի խնդրանքով նա դիմել էր Ռուսաստանից Ֆրանսիա տեղափոխվելուց հետո: Նա պատճառաբանել էր, թե Ռուսաստանում քաղաքական հալածանքների է ենթարկվել:
Վազգենի ազատմանը նպաստել են, հավանաբար, քաղաքի բնակչության բուռն բողոքները: