Ուկրաինայի կառավարությունը 4 մլրդ դոլար կհատկացնի նախագահ Յանուկովիչի սոցիալական նախաձեռնություններն իրականացնելու համար: Ինչպես հաղորդում է Rosbalt-ը, Ուկրաինայի բյուջեում սպասվող փոփոխությունների մասին հայտարարել է Գերագույն ռադայի խոսնակ Վլադիմիր Լատվինը:
«Այսօր խորհրդարան է մտնում կառավարության օրենքի նախագիծը՝ 2012 թ. բյուջեի սոցիալական ծախսերի մասում փոփոխություններ անցկացնելու վերաբերյալ: Կառավարությունն առաջարկում է փոփոխություններ մտցնել՝ սոցիալական ծախսերն ավելացնելով 33 մլրդ 300 մլն գրիվենով»,- ասել է նա:
Լիտվինը կարգադրել է խորհրրդարանի պրոֆիլային կոմիտեներին ուսումնասիրել օրինագիծը, որպեսզի արդեն ուրբաթ՝ ապրիլի 12-ին, այն քննարկվի խորհրդարանական նիստի ժամանակ: «Մենք պետք է հասարակության համար ընդունելի լուծում գտնենք»,- ասել է նա:
Հիշեցնենք. ավելի վաղ Ուկրաինայի ընդդիմությունը երկրի նախագահ Վիկտոր Յանուկովիչի նոր սոցիալական քաղաքականության ծրագիրն անվանել էր պոպուլիզմ խորհրդարանական ընտրությունների նախօրեին:
