Մոսկվան ներկայում տնօրինում է 1492 միջուկային մարտագլխիկներ, Վաշինգտոնը` 1737: Այսպիսի տվյալներ են ներկայացված ռուս-ամերիկյան ռազմավարական հարձակողական սպառազինությունների կրճատման մասին պայմանագրում, որը տարածել է ԱՄՆ պետդեպարտամենտը:
Ընդ որում` դրա համաձայն` ՌԴ-ն ներկայումս ունի 494 օպերատիվ միջուկային մարտական լիցքեր, որոնց մեջ են մտնում միջմայրցամաքային բալիստիկ հրթիռներ, բալիստրիկ հրթիռներ սուզանավերի վրա: ԱՄՆ-ն ունի այդպիսի 812 հիթիռակիր: Այս մասին տեղեկացնում է ամերիկյան արտաքին քաղաքական գերատեսչությունը:
Ներկայացված տեղեկանքում տվյալները բերվում են ընթացիկ ամսվա մարտի 1-ից: Այն արտացոլում է միմյանց ներկայացվող պաշտոնական վիճակագրությունը։
Մոսկվան և Վաշինգտոնը ռազմավարական հարձակողական սպառազինությունների կրճատման մասին պայմանագրի շրջանակում ընթացիկ շաբաթվա սկզբին առաջին անգամ փոխանակել են տելեմետրիկ տեղեկություններ: Այս մասին ITAR-TASS գործակալությանը հայտնել է ԱՄՆ պետդեպարատամենտի պաշտոնական ներկայացուցիչ Ջեյմի Մանինան: Նա ասել է, որ տվյալների փոխանակությունը տեղի է ունեցել անցած հինգշաբթի:
Ընդ որում, ԱՄՆ արտաքին քաղաքական գերտեսչությունում ընդգծել են, որ Վաշինգտոնում բավարարված են նրանով, թե ինչպես է իրագործվում ռազմավարական հարձակողական սպառազինությունների կրճատման մասին պայմանագիրը, որն ուժի մեջ է մտել 2011 թ. փետրվարի 5-ին:
«Դրա իրագործումը դրական է ազդում ռուս-ամերիկյան հարաբերությունների վրա»,- ասել է Մանինան: Նրա խոսքով` Վաշինգտոնում կարծում են, որ դա ամուր հիմք է ապագայում աշխարհն առանց միջուկային զենքի տեսնելու համար:
