ԱՄՆ Օկլահոմա նահանգի Տուլսա քաղաքում 3 աֆրոամերիկացիների սպանության մեջ մեղադրվող Ջեյք Ինգլանդը, Էլվին Ուոթսը ընդունել են իրենց մեղքը,- ապրիլի 9-ին հաղորդել է Associated Press գործակալությունը:
Այս մասին են վկայում ոստիկանության փաստաթղթերը, որոնք արդեն հանձնվել են դատարանին, որը քննում էր վերջիններիս գրավով ազատ արձակելու հնարավորությունը:
Ապրիլի 9-ին Տուլսայի դատարանը յուրաքանչյուրի համար սահմանել էր 9.16 միլիոն դոլարի գրավ:
3 աֆրոամերիկացիներ սպանվել էին, 2-ը` ստացել մարմնական վնասվածքներ ապրիլի 6-ի վաղ առավոտյան: Ապրիլի 8-ին նրանց վրա հարձակվելու կասկածանքով ձերբակալվել էին 2 սպիտակամորթներ` 19-ամյա Ջեյք Ինգլանդն ու 32-ամյա Էլվին Ուոթսը:
Հաղորդվում էր, որ նրանց հետքի վրա ոստիկանները կարողացել են դուրս գալ անանուն աղբյուրի տեղեկության հիման վրա:
Վարկածներից մեկի համաձայն`սպանության պատճառը կարող է լինել Ինգլանդի հոր վրեժը, որը 2010 թ. սպանվել էր աֆրոամերիկացիների կողմից: Ընդ որում` նշվում է, որ հանցագործն իր պատիժն է կրում բանտում, իսկ Տուլսայում սպանված աֆրոամերիկացիները ոչ մի կապ չեն ունեցել այդ մարդու հետ, նույնիսկ ծանոթ չեն եղել նրան:
