Կանադայի կառավարությունը կանգնեցրել է հեռանկարային կործանիչ F-35 Lightning II–ի գնման ֆինանսավորումը նրա համար, որ երկրի պաշտպանության նախարարությունը կառավարությունից թաքցրել է այդ ինքնաթիռների իրական գինը: Ինչպես հաղորդում է Defense News-ը, կառավարությունը նաև որոշել է ՊՆ–ից իր մոտ տեղափոխել F-35 ծրագրի վերահսկողությունը:
Պարբերականի տվյալներով` կառավարությունը պատրաստվում է անկախ զեկույց պատրաստել F-35-ի արժեքի վերաբերյալ: Ներկա դրությամբ որոշվել է ինքնաթիռների ձեռք բերման բյուջեն սահմանել ինը մլրդ կանադական դոլար` (8,9 մլրդ ամերիկյան դոլար):
2011 թ. Կանադայի ՊՆ-ն զեկուցել է երկրի խորհրդարանին, որ F-35-ի արժեքը, ըստ պայմանավորվածության, կազմում է 14,7 մլրդ դոլար: Սակայն, ըստ հաշվարկման խորհրդի ղեկավար Մայքլ Ֆերգյուսոնի զեկույցի, այդ ծրագրի իրական արժեքը 25 մլրդ դոլար էր լինելու:
Պաշտպանության նախարար Փիթեր Մաքքեյն իր հերթին պնդում է, որ ՊՆ–ն չի մոլորեցրել խորհրդարանականներին: Նրա խոսքերով՝ 2011 թ. ՊՆ զեկույցի մեջ չեն մտել օդաչուների աշխատավարձը, վառելիքը և ինքնաթիռների սպասարկումը:
Նա նշել է, որ F-35-ի ամբողջական արժեքի մասին զեկույց ներկայացվել է խորհրդարան դեռևս 2010 թ.: Չնայած այս ամենին՝ մի շարք քաղաքական գործիչներ կոչ են անում նրան հրաժարական տալ:
