Ադրբեջանական APA լրատվական գործակալության փոխանցմամբ՝ Դոնի Ռոստովից Բաքու են հասցվել Ռուսաստանից Ադրբեջանի գնած Ми-35М տիպի երկու ուղղաթիռ: Ադրբեջանը Ми-35М տիպի առաջին 4 ուղղաթիռները ստացել է 2011 թվականի դեկտեմբերի 12-ին:
Այս ուղղաթիռները նախատեսված են հակառակորդի զրահատեխնիկայի ոչնչացման, ցամաքային զորքերին կրակային աջակցություն ցուցաբերելու, վիրավորների տարհանման, ինչպես նաև բեռնափոխադրման համար:
Հիշեցնենք, որ 2010 թվականի սեպտեմբերին ռուսական Рособоронэкспорт ընկերության և Ադրբեջանի համապատասխան կառույցների միջև կնքված պայմանագրով նախատեսվում էր, որ Ադրբեջանը Ռուսաստանից ստանալու է Ми-35М տիպի 24 ուղղաթիռ:
