Հարավային Օսիայի քաղաքացիները պետության ղեկավարի կրկնակի ընտրությունների երկրորդ փուլում ակտիվորեն քվեարկում են: Այսպես. համաձայն հանրապետության Կենտրոնական ընտրական հանձնաժողովի` ժամը 16:00-ի տվյալներով մասնակցությունը եղել է 56,31%:
Առավել ակտիվ քվեարկում են հանրապետության շրջաններում: Ավելի քիչ ակտիվություն են ցուցաբերում Ցխինվալի բնակիչները. այնտեղ մասնակցությունը դեռ չի անցել 50%-ի շեմը:
Հավելենք, որ ավելի վաղ Հարավային Օսիայի նախագահի ընտրությունները ճանաչվել էին կայացված: Այսօր տեղի է ունենում պետության ղեկավարի կրկնակի ընտրությունների երկրորդ փուլը: Քվեարկությանը մասնակցելու իրավունք ունի Հարավային Օսիայի ավելի քան 30 հազար քաղաքացի:
Ներկայիս ընտրությունները կրկնակի են, քանի որ հանրապետության Գերագույն դատարանը անցած տարվա նոյեմբերին տեղի ունեցած նախորդ ընտրության քվեարկության արդյունքներն անվավեր է ճանաչել: Կրկնակի ընտրությունները տեղի են ունեցել մարտի 25-ին, սակայն քվեարկության արդյունքում որևէ մեկը հաղթող չէր ճանաչվել: Համաձայն ԿՀԸ եզրափակիչ արձանագրության` երկրորդ փուլ են անցել Լեոնիդ Թաբիլովը (42,48% ձայն) և Դավիթ Սանակոևը( 24,58% ձայն):
