ՀՀԿ նախընտրական քարոզարշավը գլխավորելու պարտականությունն իր վրա վերցնելով՝ Սերժ Սարգսյանը ռիսկի է գնում՝ վտանգելով սեփական վարկանիշը, բայց հնարավոր է՝ ռիսկը հաշվարկված է: «Առաջին լրատվական»-ի հետ զրույցում ասաց սոցիոլոգ Ահարոն Ադիբեկյանը:
«Եթե ՀՀԿ-ն Ազգային ժողովում առաջինը եղավ, ապա կուսակցության նախընտրական քարոզարշավը գլխավորելը Սերժ Սարգսյանին միայն օգուտ կտա, բայց եթե կուսակցությունը պարտվեց, հաջորդ տարի նախագահ առաջադրվելիս նա լուրջ խնդիրներ կունենա: Այնպես որ, դեռ վաղ է ասել՝ վնասում, թե նպաստում է Սերժ Սարգսյանի անձնական վարկանիշին կուսակցության նախընտրական քարոզարշավը առաջնորդելը»,- ասաց սոցիոլոգը:
