Անհայտ անձի կողմից ականանետային կրակի է ենթարկվել շիա ուխտավորներ տեղափոխող ավտոբուսը, որը ստուգում էր անցնումը Սիրիայի և Լիբանանի սահմանի մոտ: Զոհվել է 7 մարդ, այդ թվում` նաև սիրիացի սահմանապահներ: Այս մասին հաղորդում է լիբանանյան Daily Star թերթը:
Պարբերականի տվյալներով` լիբանանցի ուխտավորները ուղևորվել են Իրաք` այցելելու շիաների համար սրբազան վայրերից մեկը: Երբ սիրիական սահմանի մոտ փաստաթղթերը ստուգելու համար սահմանապահները կանգնեցրել են ավտոբուսը, ականանետից կրակ է բացվել այդ ուղղությամբ: Դրա հետևանքով 7 մարդ, այդ թվում` 5 սահմանապահ, մահացել են տեղում, 21 մարդ վիրավորվել է: 11 ուխտավորներ` 7-ը` Լիբանանի և 4-ը` Սիրիայի քաղաքացիներ, տեղափոխվել են լիբանանյան հիվանդանոց:
Միջադեպի այլ տվյալների մասին հայտնի չէ: Նշենք, որ Սիրիայում մեկ տարուց ավելի է, ինչ հակակառավարական ելույթներ են տեղի ունենում: Ամեն օր զոհվում են ինչպես խաղաղ բնակիչներ, այնպես էլ ուժային կառույցների ներկայացուցիչներ: ՄԱԿ-ի տվյալներով` զոհերի ընդհանուր թիվը գերազանցում է 9 հազարը:
