Այսօր Ինֆորմացիոն տեխնոլոգիաների ձեռնարկությունների միության (ԻՏՁՄ) 12-րդ համագումարում անցկացվեցին միության նախագահի և վարչության անդամների ընտրություններ: Նախագահ վերընտրվեց Հովհաննես Ավոյանը, վարչության անդամներ դարձան «Օրանժ Արմենիա», «Սինոփսիս Արմենիա», «ՎիվաՍել-ՄՏՍ», «Մայքրոսոֆթ», «Յունիքոմփ», «Նեյշնլ Ինսթրումենթս», «Յուքոմ», «Մակադամիան», ընկերությունների, «Նորք» տեղեկատվական-վերլուծական կենտրոնի և Ձեռնարկությունների ինկուբատոր հիմնադրամի ներկայացուցիչները։ Իսկ «Վեբ» ընկերությունը ստանձնեց ԻՏՁՄ վերահսկիչի պարտականությունները:
Համագումարին մասնակցելու և միությանը շնորհավորելու էին եկել տեղեկատվական և hեռահաղորդակցման տեխնոլոգիաների (ՏՀՏ) ոլորտի ընկերությունների, պետական, հասարակական, միջազգային կազմակերպությունների շուրջ 200 ղեկավարներ և ներկայացուցիչներ:
ԻՏՁՄ-ն 2012 թվականին նախագծել է իրականացնել հետևյալ ծրագրերն ու միջոցառումները.
Շահերի պաշտպանություն`
* Հեռահաղորդակցության ենթակառուցվածքների համատեղ օգտագործում /վերջին մղոն, վիրտուալ օպերատորներ, համարների տեղափոխելիություն/
* Հեռահաղորդակցության ենթակառուցվածքների պարտադիր լինելը նոր կառուցվող ճանապարհների, շենք-շինությունների շինարարական նորմերում
* Մոնիտորինգի իրականացում պետական գնումների և տենդերների ոլորտում
* Մշակել ՏՀՏ խնդիրների լուծմանն ուղղված օրենքների և ենթաօրենսդրական ակտերի համապատասխան փոփոխությունների փաթեթ և ճանապարհային քարտեզ` հիմնված ՏՀՏ ոլորտի հարցման արդյունքների և առաջարկությունների վրա
Հիմնական միջոցառումներից են`
* DigiTec Business Forum 2012, որը տեղի կունենա հունիս 15-16: Նախատեսվում է 40 ընկերություն և 2000 այցելու:
* DigiTec Expo 2012, որը տեղի կունենա հոկտեմբեր 5-7: Նախատեսվում է 20.000 և 130 ցուցադրվող ընկերություն:
* Հայաստանի Ռոբոտների Բաց Առաջնության /ԱրմՌոբոտիքս/ մրցույթներ` «Գծին հետևող ռոբոտ», «Անօդաչու թռչող սարքեր», «Իրեր տարբերակող և դասակարգող ռոբոտ», «Ական փնտրող ռոբոտ», ռոբոտատեխնիկայի լաբորատորիա ստեղծում, ռոբոտատեխնիկայի դպրոցական խմբակների ձևավորում
* Բաց Խաղ համարգչային խաղերի և բջջային հավելավծների առաջնություն, համակարգչային խաղերի կոնֆերանս:
ԻՏՁՄ կողմից կազմակերպվող հաջորդ միջոցառումը «ՏՀՏ լիդերների հանդիպում» ֆորումն է, որը տեղի կունենա ապրիլի 13-15-ը Դիլիջանում: Հանդիպման թեման է «Տեխնոլոգիական լուծումների և ապրանքների առևտրայնացում»:
