ԱՄՆ-ում մարտ ամսին ևս աշխատատեղերի թիվն ավելացել է 200000-ով: Reuters-ի փոխանցմամբ՝ արդեն չորրորդ ամիսն է՝ նման արդյունք է գրանցվում, ինչը վկայությունն է այն բանի, որ տնտեսությունը, ամենայն հավանականությամբ, կայունանում է:
Գործազրկության տոկոսը նման արդյունքների պարագայում մնում է կայուն: Reuters-ի տնտեսագետների հարցումների համաձայն՝ մարտ ամսին, ամենայն հավանականությամբ, ԱՄՆ-ում ավելացել է 203000 աշխատատեղ: Այս ցուցանիշը փետրվարի համեմատ փոքր-ինչ ցածր է. փետրվարին ավելացել էր 270000 աշխատատեղ: Ենթադրվում է, որ աշխատատեղերի ավելացմանը նպաստել է անսովոր տաք ձմեռը:
ԱՄՆ Աշխատանքի վարչությունը այսօր կհրապարակի ԱՄՆ-ում աշխատատեղերի և գործազրկության վերաբերյալ մարտ ամսվա պաշտոնական զեկույցը:
