Apple ըկերությունը թողարկելու է սեփական ապրանքանիշի հեռուստացույցներ, որոնք կոչվելու են iPanel: Այս մասին հաղորդել է AppleInsider կայքը` հղում անելով Jefferies & Co ընկերության վերլուծաբան Փիթեր Միզեկին։
Ավելի վաղ ենթադրվում էր, որ հեռուստացույցները շուկա են դուրս գալու iTV անվամբ: Սակայն Միզեկը ասել է, որ նոր ապրանքատեսակը լինելու է ունիվերսալ մուլտիմեդիա կենտրոն, այդ պատճառով Apple-ը նախընտրել է ավելի ընդհանրացրած անուն տալ:
Միզեկի խոսքերով՝ հեռուստացույցները կվաճառվեն մոտ 1.25 հազար ԱՄՆ դոլարով:
Փորձագետները վաղուց կանխորոշում են, որ Apple-ը մշակում է հեռուստացույցի սեփական մոդել, սակայն պաշտոնապես այդ տեղեկատվությունը դեռևս չի հաստատվել: Այնուամենայնիվ, գնալով ավելի շատ փորձագետներ են հակվում այս կարծիքին:
