Ապրիլի 4-ին Ամերիկան իր հարգանքի տուրքն է մատուցել քաղաքացիների իրավահավասարության համար պայքարի մարտիկ Մարտին Լյութեր Քինգ–կրտսերի հիշատակին, ով սպանվել է 1968 թ. այդ օրը:
Ֆելիսիա Ջեյմսոնը, ով Նյու Ջերսիում «Մարտին Լյութեր Քինգի հիշատակի միության» ղեկավարն է, ասել է. «Ես հիշում եմ այն օրը, երբ նրան սպանեցին. ապրիլի 4: Ես ամբողջ մեկ շաբաթ չգնացի աշխատանքի, քանի որ մահացել էր իմ հերոսը: Այժմ ես երջանիկ եմ, քանի որ 44 տարի անց մարդիկ դեռ հիշում են նրան»:
Նյու Ջերսիի բնակիչներից մեկի` Չարլզ Ջեյմսոնի խոսքերով` Մարտին Լյութեր Քինգը մարդկանց հնարավորություն է տվել շփվել միմյանց հետ, սոցիալականացվել և սեր արտահայտել:
Մարտին Լյութեր Քինգը Մահաթմա Գանդիի հակաբռնության փլիսոփայության հետևորդներից էր: Գանդին մեծ դեր է ունեցել Լյութերի գործունեության մեջ: Հենց այդ պատճառվ նրա մահվան տարելիցի կապակցությամբ Վաշինգտոն էր ժամանաել Մահաթմա Գանդիի թոռը`Արուն Գանդին: «Ես կարծում եմ, որ հիանալի է հասնել հավասարության՝ պայքարի միջոցով, սակայն, դժբախտաբար, մենք պատմության դասերը դեռ լավ չենք ընկալել: Մենք կարծում էինք, որ հավասարության օրենքներ ընդունելով՝ բոլոր խնդիրները կլուծվեն, սակայն այսօր մենք տեսնում ենք, որ օրենքներն այդքան էլ չօգնեցին»,- ասել է Գանդին:
Ազատության մարտիկի մահվան օրվան նվիրված միջոցառումը տեղի է ունեցել Մարտին Լյութեր Քինգ հուշահամալիրում, որը բացվել է անցյալ տարի՝ Վաշինգտոնի կենտրոնում: