Քաղաքագետ Ալեքսանդր Մարկարովը հավանական է համարում, որ ընտրությունների վերահսկման միասնական շտաբ ստեղծելու մասին ՀԱԿ-ի, ՀՅԴ-ի, «Ժառանգության» և ԲՀԿ-ի այսօր ստորագրած հայտարարությունը կյանքի կոչվի: Քաղաքագետը նման տեսակետ հայտնեց «Առաջին լրատվական»-ի հետ զրույցում:
«Արդար ու թափանցիկ ընտրություններ անցկացնելը համապետական կարևորության խնդիր է, որը կիսում են քաղաքական սպեկտրի բոլոր ուժերը: Միաժամանակ, վորոնշյալ 4 կուսակցությունները դժվար թե կարողանան հանդես գալ որպես մեկ միասնական ճակատ: Այս ուժերից յուրաքանչյուրն իր նախընտրական շտաբներով արդեն իսկ իրականացնում է իր վերահսկողությունն ու քարոզարշավը: Բայց չի բացառվում, որ ընդհանուր գաղափարի կյանքի կոչմանը կարող են խանգարել 4 կուսակցությունների առանձին հավակնությունները»,- ասաց Մարկարովը:
Հիշեցնենք, որ, խորհրդարանական ընտրություններին մասնակից չորս քաղաքական ուժերի ներկայացուցիչներ՝ Հայ ազգային կոնգրես, Դաշնակցություն, Ժառանգություն և Բարգավաճ Հայաստան, այսօր ստորագրել են մի հայտարարություն, որով խոսում են ընտրությունների վերահսկման միասնական շտաբ ստեղծելու մասին: Հայտարարությանը չի միացել միայն այդ համատեղ քննարկմանը մասնակցած ՀՀԿ-ն:
