Մալավիի 78-ամյա նախագահ Բինգու վա Մութարիքան հոսպիտալացվել է սրտի կաթված ստանալուց հետո: Այս մասին հաղորդում է France Presse գործակալությունը` հղում կատարելով հիվանդանոցում իր աղբյուրին:
«Նա սրտի կաթված է ստացել և մինչև հիմա անգիտակից է»,- հայտնել է աղբյուրը:
Վա Մութարիքան երկրորդ անգամ նախագահ է ընտրվել 2009 թ. մայիսին:
Հիշեցնենք, որ օգոստոսին Մալավիի նախագահ Բինգու վա Մութարիքան մեղադրել էր եվրոպական իշխանություններին՝ տեղի ընդդիմության հետ իր կառավարությանը գահընկեց անելու դավադրություն նախապատրաստելու մեջ:
