Ամերիկացի և իտալացի մաթեմատիկոսները բացահայտել են սոցիալական ցանցերում մեմերի տարածման մեխանիզմը: Հետազոտողները համակարգչի վրա մոդելավորել են սոցիալական ցանցերում այս կամ այն գաղափարների կամ լուսանկարների տարածումը: Ցանցի օգտատերերը համարվել են գործակալներ, որոնք շարունակ հաղորդագրություններ են փոխանակել այդ թեմաներով:
Աշխատանքի համար կազմվել է 100 հազար օգտատերերից բաղկացած ցանց: Ըստ այդմ՝ օգտատերերը միմյանց հետ շուրջ 3 միլիոն կապեր են հաստատել: Ստացված արդյունքները համեմատվել են 2010-ի հոկտեմբերից 2011-ի հունվար ընկած ժամանակահատվածում Twitter-ում 12.5միլիոն օգտատերերի շփումների վիճակագրության հետ: Ինչպես տեղեկացնում է lenta.ru-ն՝ գիտնականները հաստատել են, որ այս կամ այն մեմի ճակատագիրը կախված է ցանցի կառուցվածից, օգտատերերի և նրանց միջև շփումների քանակից, ինչպես նաև ընկերների քանակի սահմանափակումներից:
Հետազոտողները նաև պարզել են, որ մեմի ճակատագիրը ամենևին կախված չէ բովանդակային ֆակտորից: Այն կարող է լինել լուր, սակայն սոցալական ցանցերում տարածվել ու երկար կյանք ունենալ: