Եթե Իրանում ուժային սցենար զարգանա, ապա տարածաշրջանում քաոսային իրավիճակ կստեղծվի. ընդ որում, ոչ ոք հստակորեն չի կարող ասել՝ նույն այդ իրավիճակը ինչ չափով կազդի Հայաստանի կամ ԼՂՀ-ի վրա: «Առաջին լրատվական»-ի հետ զրույցում նման տեսակետ հայտնեց իրանագետ Գոհար Իսկանդարյանը՝ անդրադառնալով ՀՀ վարչապետ Տիգրան Սարգսյանի՝ «Կոմերսանտ»-ին տված հարցազրույցի այն հատվածին, ուր վերջինս նշում է, որ Իրանում կատարվող իրադարձությունները Լեռնային Ղարաբաղի վրա անմիջական ազդեցություն չեն կարող ունենալ:
«Իրանում ռազմական գործողություններ սկսվելու դեպքում պատերազմի մեջ կներքաշվի ողջ տարածաշրջանը: Չի բացառվում, որ ստեղծված խառնաշփոթից օգտվի Ադրբեջանը՝ փորձելով ինչ-ինչ խնդիրներ լուծել»,- ասաց նա:
Նշենք, որ ՌԴ արտգործնախարար Սերգեյ Լավրովի հետ հանդիպումից հետո Հայաստանի Հանրապետության վարչապետ Տիգրան Սարգսյանը «Կոմերսանտ»-ին հարցազրույց էր տվել, ուր թերթի թղթակցի հարցին ի պատասխան՝ ասել էր. «Իրանում կատարվող իրադարձությունները կունենան անմիջական ազդեցություն Լեռնային Ղարաբաղի վրա: Ամենայն հավանականությամբ, դրանք կազդեն Հայաստանի վրա»:
