Միայն մի քանի ժամ անց այն բանից հետո, երբ հայտնի էր դարձել, որ ամերիկացի զինվորները Աֆղանստանի ռազմաբազայում այրել են Ղուրանները, Իրանը երկրի ներսում աշխատող գործակալներին գաղտնի հրամայել էր բռնի ցույցեր սկսելու փորձեր կատարել մայրաքաղաք Քաբուլում և երկրի արևմտյան հատվածում: Այս մասին հայտնում են որոշ ամերիկացի պաշտոնյաներ:
The New York times-ի փոխանցմամբ՝ պաշտոնյաները հաղորդել են, որ իրանցի գործակալները հիմնականում չեն կարողացել երկարատև անհանգստություններ առաջացնել, բայց, այնուամենայնիվ, Իրանի նման ջանքերը անհանգստություն են պատճառել ԱՄՆ-ին:
Ամերիկացիները որոշել են ավելի խորը ուսումնասիրել բոլոր նման դեպքերը, քանի որ իրականում Իրանի նպատակներն ու շարժառիթները չափազանց կարևոր են:
Այս տեղեկությունները ստացվել են ԱՄՆ տասնյակ պաշտոնյաների հետ հարցազրույցների արդյունքում, որոնց մեծ մասը քննարկել են խնդիրը ` առանց իրենց անունը հրապարակելու:
