Ուիթնի Հյուսթոնի հյուրանոցային սենյակում, որտեղ 2012թ.-ի փետրվարին մահացել էր հայտնի երգչուհին, հայտնաբերվել է սպիտակ փոշի, որը, ենթադրվում է, կոկաին է: Այս մասին հաղորդում է Reuters գործակալությունը` հղում կատարելով դատական փորձագիտական եզրակացությանը: Փորձագետները հյուրանոցի լոգարանում հայտնաբերել են իրեր, որոնք սովորաբար օգտագործում են թմրանյութեր ընդունողները:
Փորձագետների կողմից հրապարակված 40 էջանոց փաստաթղթից հայտնի է դառնում, որ Հյուսթոնը մահվանից առաջ ալկոհոլ և մարիխուանա է օգտագործել: Նշվում է նաև, որ Հյուսթոնը հայտնաբերվել է ջրով լի վաննայում` դեմքով դեպի ներքև:
Հիշեցնենք, որ Հյուսթոնը մահացել է փետրվարի 12-ին՝ Բևերլի Հիլզի հյուրանոցներից մեկում: