ՀՀ տնտեսություն օտարերկրյա ներդրումների հոսքերը (ներառյալ պետական կառավարման և բանկային համակարգով ստացվածը) 2011 թ. հունվար-դեկտեմբերին կազմել են 1 մլրդ 654 մլն դոլար, որը 2010 թ. նույն ժամանակաշրջանի համեմատ աճել է 6.3%-ով, ընդ որում, ուղղակի ներդրումների ներհոսքը կազմել է 813.3 մլն դոլար (աճել է 15.1%-ով), այլ ներդրումներինը` 829.9 մլն դոլար (նվազել է 0.8%-ով), պորտֆելային ներդրումներինը` 10.8 մլն դոլար (նվազել է 11.7%-ով):
Ազգային վիճակագրական ծառայության օպերատիվ տվյալների համաձայն՝ 2011 թ. ընթացքում ՀՀ ռեզիդենտ իրավաբանական անձանց կողմից հանրապետությունից ֆինանսական միջոցների արտահոսքը ներդրումների տեսքով (առանց վճարված տոկոսների, դիվիդենտների և վարկերի մարումների) կազմել է 115.8 մլն դոլար:
2011 թ. հունվար-դեկտեմբերին իրական հատվածում կատարված օտարերկրյա ներդրումների 23.69%-ը, իսկ ուղղակի ներդրումների 21.47%-ն ուղղվել է հիմնային մետաղների արտադրության ոլորտ: Ուղղակի ներդրումների 21.97%-ն իրականացվել է հեռահաղորդակցության, իսկ 15.45%-ը`
էլեկտրականության, գազի, գոլորշու և լավորակ օդի մատակարարման ոլորտներում:
