Հրեշ անունով շունը հարձակվել է հարևանի վրա և պոկել նրա քիթը: Տուժածը հայտարարել է, որ չնայած իր կրած վնասը մեծ է, սակայն ներում է կենդանուն, քանի որ ինքը նույնպես տանը շուն է պահում: Միջադեպը տուժածի բյուջեին մեծ վնաս է հասցրել: Բիլ Լեսինսկին հույս չունի, թե մի օր իր քիթը կվերականգնվի, քանի որ բժշկական ապահովագրություն չունի, իսկ բժշկական ծախսերը հարյուր հազարավոր դոլարներ են կազմում: Առաջիկա 12 ամիսներին նա պետք է առնվազն 6 վիրահատական միջամտության ենթարկվի:
Դեպքը տեղի է ունեցել Չիկագոյում: Բիլ Լեսինսկին հանգստյան օրերին գնացել է հարևանությամբ բնակվող ընկերոջ տուն, որտեղ բնակվում էր նաև Հրեշ անունով պիտբուլը:
Բիլը հայտարարել է, որ միջադեպը չի ազդի իր և ընկերոջ հարաբերություների վրա: Բիլի ընկերը հայտնել է, որ ցավում է կատարվածի համար, սակայն նրան ֆինանսապես օգնել չի կարող:
Կենդանին հետազոտման նպատակով այժմ գտնվում է Կենդանիների խնամքի և վերահսկման կենտրոնում: Բարեհոգի Բիլը հույս ունի, որ կենտրոնը կենդանուն կվերադարձնի ընկերոջը:
