Գերմանիայի ներքին գործերի նախարար Հանս-Պետեր Ֆրիդրիխը հանդես է եկել Շենգենյան համաձայնագրի երկրների սահմանների միջև սահմանային հսկողություն մտցնելու առաջարկով: Այս մասին քաղաքական գործիչը հայտարարել է Rheinische Post գերմանական պարբերականին տված հարցազրույցում: Նա իր ֆրանսիացի գործընկեր Կլոեդ Գեանի հետ հանդես է գալիս Շենգենի կանոնների բարեփոխումների առաջարկով:
Ֆրիդրիխի կարծիքով` Եվրոպայում անհրաժեշտ է մտցնել սահմանային հսկողություն ոչ միայն խոշոր միջոցառումների ժամանակ, ինչպիսիք են՝ ֆուտբոլային հանդիպումներն ու քաղաքական համաժողովները:
Այդ միջացառումն անհրաժեշտ է նաև այն դեպքում, երբ Շենգենյան գոտու երկրները չեն հետևում պայմանավորվածությանն ու չեն կարող զսպել ներգաղթյալների անօրինական ալիքը:
Գերմանացի նախարարն ընդգծել է, որ սահմանների բացումը շատ բան է նշանակում միասնական Եվրոպայի համար, սակայն միայն դրա պատճառով պետք չէ անուշադրության մատնել անվտանգության հարցերը: Եթե այդ երկրները, ինչպես Հունաստանը, չեն կարող կառավարել իրենց արտաքին սահմանների հսկողությունը, ապա անհրաժեշտ է հսկողություն սահմանել Շենգենի ներսում: Այս մասին հայտնում է Lenta.ru-ն:
