Շերլին Սարգսյանը վեց տասնամյակ շարունակ եղել է հիթ շքերթների վերին հորիզոնականներում

Փոփ երգչուհի Շերը դարձել է առաջին ամերիկյան երգչուհին հիթ շքերթների պատմության մեջ, որին հաջողվել է 6 տասնամյակ շարունակ վերին հորիզոնականներ գրավել այդ հիթ շքերթներում:
Billboard Dance/Club Play Songs թարմացված չարտում, որը կհրապարակվի հունվարի 20-ին, առաջին տեղը զբաղեցնում է Շերի «You Haven’t Seen the Last of Me» սինգլը: Այս ստեղծագործությունը, որը երգչուհին կատարել է «Բուրլեսկ» մյուզիքլում, անցյալ կիրակի` հունվարի 16-ին, Արտասահմանյան մամուլի հոլիվուդյան ընկերակցության կողմից արժանացել է «Ոսկե գլոբուսի»` «Ֆիլմի լավագույն օրիգինալ երգ» անվանակարգում:
Պատմական այս լուրն իմանալով՝ Շերը Billboard-ում կատակել է. «Որտեղի՞ց այդ 6 տասնամյակները, երբ ես ընդամենը 40 տարեկան եմ»: Իրականում 2011 թ. մայիսին երգչուհին, որի երաժշտական կարիերան սկսել է 1960-ական թթ., կնշի իր 65-ամյակը:
Առաջին անգամ նա չարտը գլխավորել է 1965թ. օգոստոսի 14-ին Sonny & Cher զուգերգով «I Got You Babe» երգով: 1970-ական թթ. նա երեք անգամ հասել է հիթ-շքերթների գագաթին «Gypsys, Tramps & Thieves» (1971թ.), «Half-Breed» (1973թ.), «Dark Lady» (1974թ.) երգերով, ինչպես նաև նորից զուգերգով («All I Ever Need Is You» 1971թ.):
1980-ական թթ. Billboard-ի գագաթին նա հասել է երկու անգամ՝ 1989 թ. Փիթեր Սետերայի հետ զուգերգով («After All») և սոլո («If I Could Turn Back Time») երգերով: 1990-ական թթ. ամերիկյան չարտի առաջին տեղին հասել են Շերի «Believe», «Strong Enough» և «All or Nothing» երգերը (բոլորը՝ 1999 թ.): 2000-ական թթ. նա երկու անգամ է գլխավորել չարտը «A Different Kind of Love Song» (2002 թ.) և «When the Money’s Gone» (2003 թ.) երգերով: