Արաբական պետությունների լիգայի հերթական գագթնաժողովը տեղի կունենա Քաթարում՝ 2013 թվականին: Այսօր այս մասին հաղորդել է Տարածաշրջանային հանրության խորհրդի վարչակազմի ղեկավար Մուհամմեդ Զեյդին: Նրա խոսքերով՝ նման պայմանավորվածություն միաձայն ձեռք է բերվել մարտի 29-ին՝ Բաղդադում տեղի ունեցած միջարաբական հանդիպման ժամանակ։ Զեյդին նշել է, որ ի սկզբանե մյուս տարի արաբական ղեկավարների հանդիպումը պետք է տեղի ունենար Օմանում, սակայն վերջինս իր հերթը զիջել է «ելնելով որոշ պատճառներից»: Այս մասին հաղորդում է ИТАР ТАСС-ը:
Անցած հինգշաբթի օրը ավելի քան երկու տասնյակ տարվա ընթացքում առաջին անգամ Բաղդադն անցկացրեց միջարաբական խոշորագույն կազմակերպության մասնակից երկրների հանդիպումը: Վերջին անգամ Իրաքի մայրաքաղաքն իր մոտ կանոնավոր միջարաբական գագաթնաժողովն ընդունել էր 1978 թ. նոյեմբերին: 1990 թ. մայիսին այնտեղ տեղի էր ունեցել Լիգայի արտահերթ նիստը: Արաբական պետությունների առաջնորդները պետք է Բաղդադում հանդիպեին 2011 թվականի մարտին: Սակայն այդ ժամանակ հանդիպումը հետաձգվել էր զանգվածային ժողովրդական անհանգստությունների պատճառով, որոնք միաժամանակ ընդգրկել էին տարածաշրջանի մի շարք երկրներ:
Բաղդադյան հանդիպման գլխավոր թեմաներն են եղել «արաբական գարնան» հետևանքները և իրադրությունը Սիրիայում։
