«ATV-3 «Էդուարդո Ամալդ» բեռնատար տիեզերանավի էլեկտրական սարքավորումներում հայտնաբերվել են խնդիրներ, որոնք, սակայն, չեն դասվել ծայրահեղների թվին և չեն խանգարել նավին բարձրացնել ուղեծիրը»,- հաղորդել է Եվրոպական տիեզերական գործակալության (ԵՏԳ) մամուլի ծառայությունը։
Ուրբաթ՝ մարտի 30-ին, խախտվել էր RICU (Russian Interface Conversion Unit) համակարգի չորս բլոկներից մեկը, որը Միջազգային տիեզերական կայանի (ՄՏԿ) էներգիայի հաշվին ապահովում է եվրոպական նավի էլեկտրասնուցումը: «Սակայն աշխատել է բեռնատարի ազդանշանային համակարգը, և ATV-ն անցել է ավտոմատ էլեկտրասնուցման»,- հաղորդել է ATV ծրագրի ղեկավար Նիքո Դեթմանը:
Ըստ «ՌԻԱ Նովոստի»-ի՝ «Էդուարդո Ամալդ» բեռնատար տիեզերանավում օգտագործվում են արևային մարտկոցներ:
ATV-ի շարժիչները միացվել են կիրակի գիշերը և աշխատել 411 վայրկյան: Կայանի կողմնորոշումը տարածության մեջ ապահովել են «Պրոգրես M-14M» բեռնատար նավի և «Աստղ» ծառայողական մոդուլի շարժիչները: Այժմ ՄՏԿ ուղեծրի միջին բարձրությունը 389.8 կմ է: