Այսօր հայտնի է դարձել, որ Մեծ Բրիտանիայի ֆինանսների նախարար Ջորջ Օսբորնը խնդրել է արքայազն Չարլզի թույլտվությունը՝ փոփոխելու համար համապատասխան օրենքը, ինչի արդյունքում կավելանա թագավորական ընտանիքի ֆինանսավորումը:
The Mail-ի կողմից այսօր ձեռք բերված նամակներից պարզ է դառնում, որ նախարարը «համեստորեն» ձգտել է ստանալ արքայազնի թույլտվությունը՝ թագավորական ընտանիքի ֆինանսավորման չափն էականորեն փոխելու համար։
Ըստ այդ օրենքի՝ բոլոր նախարարների համաձայնությամբ, թագավորական ընտանիքը ստանում է մեկ գրանտ, որը կապահովի առավել մեծ եկամուտ, քան նախկինում էր, և կարիք չի լինի այն նորացնել ամեն տարի:
Քննադատները սա չափազանց մեծ առատաձեռնություն են համարել, քանի որ ենթադրվում է, որ օրինագծի համաձայն՝ թագավորական ընտանիքի եկամուտը կարող էր կազմել 34 միլիոն ֆունտ սթեռլինգ:
