Ռուս երգչուհի Քրիստինա Օրբակայտեն Twitter -ի իր միկրոբլոգում հայտնել է, որ մարտի 30-ին աղջիկ է ունեցել ամերիկյան հիվանդանոցներից մեկում:
«Մարտի 30-ին` Մոսկվայի ժամանակով 19:58-ին, ես աղջիկ եմ ունեցել: Շնորհավորե՛ք ինձ, ուռա~»,- գրել է նա:
Երգչուհուն նրա ընտանիքի անդամները, ընկերները և կոլեգաները սկսել են շնորհավորել հենց Twitter-ում նրա հաղորդագրությունից անմիջապես հետո:
Ալլա Պուգաչովայի նախկին ամուսին Ֆիլիպ Կիրկորովը շնորհավորել է ոչ միայն բազմազավակ մորը, այլև Պուգաչովային, որը երրորդ անգամ տատիկ է դառնում:
«Ուռա~, ուռա~, ուռա~, մեր գեղեցկուհի Քրիստինան հենց նոր աղջիկ է ունեցել` 3.700 կգ: Շնորհավորենք նաև եռակի տատիկ և մայր Ալլային»,- գրել է նա:
Գրություն է հայտնվել նաև Ալլա Պուգաչովայի պաշտոնական կայքում. «Երջանիկ իրադարձություն է տեղի ունեցել Պուգաչովայի ընտանիքում: Նա երրորդ անգամ տատիկ է դարձել: Շնորհավորում ենք»:
Շոումեն, կինոյի և թատրոնի դերասան Վյաչեսլավ Մանուչարովը գրել է. «Քրիստինա, շնորհավորում ենք: Ամբողջ ընտանիքով երջանկություն ենք մաղթում»:
Ընտանիքի մոտ ընկեր Բորիս Մոյիսեևը գրում է. «Շնորհավորում եմ, դու իրոք արդեն երեք երեխաների հիանալի մայր ես: Ես սիրում եմ քեզ և ձեր մեծ ընտանիքը: Համբուրում եմ շատ»:
Երգչուհին ունի երկու որդի` 20 տարեկան Նիկիտան, որը երգիչ Վլադիմիր Պրեսնյակովի որդին է, և 13-ամյա Դենին` գործարար Ռուսլան Բայսարովի որդին: Հիմա Պուգաչովայի աղջիկն ամուսնացած է գործարար Միխայիլ Զեմցովի հետ:
