2010 թ. հոկտեմբեր ամսին «Սոցիոմետր» սոցիոլոգիական հետազոտությունների կենտրոնի իրականացրած հարցումները պարզել են, որ Հայաստանի ամենաազդեցիկ քաղաքական գործիչը Սերժ Սարգսյանն է` 35 տոկոս, նրան հաջորդում են Գագիկ Ծառուկյանը, Տիգրան Սարգսյանը և Լևոն Տեր-Պետրոսյանը: Նշենք, որ հարցումն իրականացվել է 1650 ընտրողների շրջանում Երևանում և Հայաստանի բոլոր մարզերում: Արդյունքում կազմվել է ամենաազդեցիկների՝ 20 հոգուց բաղկացած ցուցակը: «Սոցիոմետր» կենտրոնի նախագահ Ահարոն Ադիբեկյանը, ներկայացնելով հարցումների արդյունքները, նշեց, որ ամենաազդեցիկների քսանյակը եզրափակում է անկախ պատգամավոր Վիկտոր Դալլաքյանը: 20 ազդեցիկների ցուցակում են նաև Ստեփան Դեմիրճյանը, Րաֆֆի Հովհաննիսյանը, Վահան Հովհաննիսյանը, Հովիկ Աբրահամյանը, Արտաշես Գեղամյանը, Յուրի Խաչատուրովը: Ռոբերտ Քոչարյանը ամենաազդեցիկների ցուցակում 6-րդն է: