19-րդ դարավերջի ու 20-րդ դարասկզբի ռուսական պատմության մասին բացառիկ արխիվային փաստաթղթեր կցուցադրվեն Ֆինլանդիայի Ազգային արխիվում բացվելիք «Նոբել ընտանիքը ռուսական կայսրությունում» ցուցադրությանը: Այն կպատմի 1830-1917թթ. իրադարձությունների մասին` ներկայացնելով այդ ընտանիքի արտադրության, գիտության ու հումանիտար ոլորտներում գործունեության տարբեր կողմերը: Ընտանիքը 1838թ. Շվեդիայից տեղափոխվել էր Սանկտ Պետերբուրգ:
Ցուցահանդեսը կազմակերպվել է ռուսական կողմի հետ համատեղ ու բաղկացած է երկու մասից: Այս մասին հայտնում է ITAR-TASS-ը:
Ցուցադրությանը ներկայացված են ընտանիքի ներկայացուցիչների անձնական իրերը: Նոբել ընտանիքի անդամները` Էմանուելը, Ալֆրեդն ու Լյուդվիգը, համագործակցել են ռուս գիտնական Դմիտրի Մենդելեևի հետ:
