Չինական Petro China ընկերությունը նավթի արդյունահանման ծավալներով գերազանցել է ամերիկյան Exxon Mobil-ին և դարձել աշխարհի թիվ մեկ ընկերությունն այդ ցուցանիշով: Այս մասին հաղորդում է UpStream-ը:
2011թ.-ին չինական այդ ընկերությունը արդյունահանել է 886.1 միլիոն բարել նավթ կամ օրական միջինը 2.43 միլիոն բարել, մինչդեռ ամերիկյան ընկերության նույն ցուցանիշը կազմում է 2.3 միլիոն բարել:
Նշվում է նաև, որ անցած տարի Petro China-ն ավելացրել է արդյունահանումը 3.3%-ով, իսկ ահա Exxon Mobil-ն, ընդհակառակը` կրճատել է 5%-ով:
Սակայն ածխաջրային ոլորտում իրականացվող արտադրության ծավալներով ամերիկյան ընկերությունը շատ առաջ է Petro China-ից: Exxon Mobil-ը Petro China-ից առաջ է նաև ընդհանուր կապիտալիզացիայով` 405 մլրդ դոլար 254 մլրդ-ի դիմաց:
