Աղվերանի «Աղվերան» հյուրանոցային համալիրում երեկ տեղի ունեցած կառավարության արտագնա նիստին հաջորդած կերուխումից հետո «ՀԺ»-ի թղթակիցը ՀՀ վարչապետ Տիգրան Սարգսյանին ընդամենը մեկ հարց ուղղելու հնարավորություն է ունեցել:
«Պարոն վարչապետ, ձեր կարծիքով ընտրողների թվի մեծացումը որքանո՞վ է նպաստում արդար ընտրությունների անցկացմանը»,- հարցրել է «ՀԺ»-ի թղթակիցը:
«Ես կմտածեմ»,- պատասխանել է վարչապետը ու արագ հեռացել «դեպքի վայրից»:
«Տիգրան Սարգսյանը մի քանի անգամ հայտարարել է, թե մայիսի 6-ին կայանալիք ընտրությունները լինելու են ՀՀ պատմության մեջ «ամենաարդարն» ու «ամենաթափանցիկը»:
«Վարչապետի պատասխանից ակնհայտ է դառնում, որ իր այդ հայտարարությունները նա արել է առանց մտածելու: Չնայած, «Աղվերանում» տեղի ունեցած ճոխ կերուխումից հետո մարդու մտքերը կարող էին խառնվել»,- հավելում է թերթը: