Արեգակնային համակարգից 70 լուսատարի հեռավորության վրա կարող են կազմավորվել ադամանդե սարերով նոր էկզոտիկ մոլորակներ: NASA-ի աստղադիտակը ֆիքսել է կենտրոնական աստղը` 12 միլիոն տարեկան Բետա Փիքթորիսը, որի չափերը 2 անգամ գերազանցում են արևի չափերին: Այն նկատել են նաև Եվրոպական հարավային աստղադիտարանի ֆրանսիացի աստղագետները:
Նոր մոլորակներն ամենայն հավանականությամբ կկազմավորվեն մեր արեգակնային համակարգի հարևանությամբ գտնվող փոքր արեգակնային համակարգում` աստերոիդների բախման արդյունքում: Ածխածնի առատության շնորհիվ այդ մոլորակները կարող են ունենալ ամբողջովին ադամանդով պատված լեռներ: