Մի քանի իրավապաշտպան կազմակերպություններ դատական հայց են ներկայացրել ընդդեմ Նյու Յորքի ոստիկանության: Հայցի պատճառը ծրագիրն է, որի շրջանակներում ոստիկաններն իրավունք ունեն պարեկություն իրականացնել բնակելի տներում: Այս մասին հաղորդվել է «Նյու Յորքի քաղաքական ազատության միության» կայքում, որը հայց ներկայացնողների թվին է պատկանում:
Կազմակերպության ղեկավարներից մեկի` Դոննա Լիբերմանի խոսքերով՝ Operation Clean Halls գործողության հետևանքով Նյու Յորքի հարյուր հազարավոր մարդիկ իրենց սեփական տներում շրջափակման մեջ են հայտնվել: Մարդկանց բռնում են, երբ նրանք դուրս են գալիս աղբ թափելու կամ փոստը ստուգելու, իսկ բնակարանից դուրս գալիս անպայման պետք է վկայական ունենալ:
Հայց ներկայացնողները չեն ցանկանում, որպեսզի ոստիկաններն այս ծրագրից ամբողջությամբ հրաժարվեն: Նրանք միայն ցանկանում են, որպեսզի ոստիկանությունն առանց օրինական հիմքերի չկանգնեցնի մարդկանց և չհետախուզի:
Reuters գործակալության տեղեկատվության համաձայն՝ Operation Clean Halls ծրագրի մեջ բնակելի տները մտել են սեփականատերերի խնդրանքով: Նրանք թույլ են տալիս ոստիկանությանը պարեկություն իրականացնել շենքի աստիճանների վրա, միջանցքներում, ինչպես նաև՝ բնակիչներից պահանջել անձը հաստատող փաստաթղթեր:
