Ադրբեջանի զինված ուժերը Ռուսաստանից գնել են դիպուկահարների մարզման սարքավորումներ և սպառազինություն: Այս մասին հաղորդում է APA-ն՝ հղում անելով ռազմահայրենասիրական կամավոր խորհրդի ղեկավար գեներալ Նոցրուզալի Օրուջովին: Բարձրաստիճան զինվորականը նշել է, որ սարքավորումներն արդեն մոտ ապագայում կբերվեն Բաքու: Այնուհետև գործելու են դիպուկահարների պատրաստման կուրսեր, որոնց նախնական փուլում ուսանողները կպարապեն նոր սարքերով, այնուհետև՝ հրաձգարաններում: Գեներալը շեշտել է, որ դիպուկահարների կուրսեր Բաքվում անցկացվելու են առաջին անգամ: