18-ամյա պանամացի տղան միակ մարդն է, որ ողջ է մնացել 28 օր բաց օվկիանոսում լողացող ձկնորսական նավի անձնակազմից: Այս մասին հայտնում է CBS-ը:
Փետրվարի 24-ին Ադրիան Վասկեսն իր երկու ընկերների հետ Ռիո-Ատոյում ձկնորսությունից էր վերադառնում, երբ փչանում է նավակի շարժիչը: Այն չի հաջողվում նորոգել, ու ձկնորսները ստիպված էին լողալ բաց օվկիանոսում:
Սկզբում սնվել են բռնած ձկով, սակայն սառույցը հալվել է, ու ձուկը փչացել: Սկսել են սնվել նրանով, ինչ ցանցն է ընկել: Դրեյֆի 10-րդ օրը մահանում է 24-ամյա Օրոպեշես Բետանկուրը, մարտի 15-ին մահանում է 16-ամյա Ֆեռնանդո Օսիրիոն:
Ադրիանին, իր իսկ խոսքով, փրկում է անսպասելի տեղացած անձրևը, որը թույլ է տալիս համալրել խմելու ջրի պաշարները: Տղան միայն դրա ու հում ձկան շնորհիվ է կարողանում փրկվել:
Ի վերջո, տղային նկատում են Էկվադորի ձկնորսները` Հալապագոսյան կղզիներից 1000 կմ հեռավորության վրա:
Նրան տեղափոխում են էկվադորի Գուայակիլ քաղաք ու հաջորդ օրն ուղարկում հայրենիք: Ինչպես նշում է Interfax-ը, տղան հրաժարվել է մեկնաբանություններ տալ:
