Իրանական ISNA լրատվական գործակալության փոխանցմամբ՝ Թուրքիան ու Իրանը պայմանավորվել են երկկողմանի հարաբերությունների հետագա զարգացման գծով նշանակել հատուկ ներկայացուցիչներ: Այս մասին հայտարարել է Իրանում գտնվող Թուրքիայի վարչապետ Ռեջեփ Էրդողանը:
Վերջինիս խոսքերով՝ թուրքական կողմից հատուկ ներկայացուցիչ է նշանակվել Ներդրումների ու զարգացման նախարար Ջևդեթ Յըլմազը, իսկ իրանական կողմից՝ միջազգային հարցերով փոխնախագահ Ալի Սաիդլուն.
«Հատուկ ներկայացուցիչներին հանձնարարվել է կազմել երկու երկրների միջև համագործակցության ոլորտների ցուցակը և հետազոտել համագործակցության մակարդակը: Ապա նրանք պետք է պատրաստեն համապատասխան հաշվետվություն և ներկայացնեն նախագահներին: Մեր նպատակը երկու երկրների միջև ապրանքաշրջանառության ծավալը մինչև 35 միլիարդ դոլարի հասցնելն է»:
