Daily Mail-ն այսօր անդրադարձել է Նյու-Յորքի Ջոն Քենեդու անվան օդանավակայանում աշխատակիցների կողմից ուղեբեռների գողություններին, որոնց թիվն օրական հասնում է 200-ի: Գողացված ուղեբեռները այնուհետև որակվում են որպես «կորած», և հարցը փակված է համարվում:
Օդանավակայանի անվտանգության հարցերով իրավաբան Քենեթ Մոլինսի խոսքերով`օդանավի «որովայնը» որոշ աշխատակիցների համար շուկա է դարձել: Օդանավակայանի խարդախությունների զոհն է դարձել Ռիտա Լամբերգը, որի կորցրած, կամ ավելի ճիշտ` գողացված ուղեբեռում եղել են 160 հազար դոլար արժողությամբ զարդեր: Օդանավականը պարտավորվել է նրան փոխհատուցում տրամադրել: Բազմաթիվ ուղևորներ գանգատվում են, որ իրենց ուղեբեռը ստացել են բացված վիճակում: Գողերին հայտնաբերելու նպատակով օդանավականի տնօրինությունը խոստացել է ավելացնել տեսահսկման խցիկների թիվը:
2010 թվականին Ամերիկյան ավիաուղիների վետերան Հենրի Իբարան նմանօրինակ գողության մեջ մեղադրվեց: Ընկերության 41 տարվա աշխատակիցը ուղևորների բեռներից գողացել էր 8000 դոլար ընդհանուր արժողությամբ իրեր:
