Ինչպես երեկ ուշ երեկոյան հայտարարել է Եվրախմբի ղեկավար և Լյուքսեմբուրգի վարչապետ Ժան Կլոդ Յունկերը, եվրոն ոչ մի խնդիր չունի, իսկ եվրոպական տնտեսությունը վերականգնման նախանշաններ է ցույց տալիս: Այս մասին հաղորդում է Interfax գործակալությունը:
Այս ասուլիսը կայացել է եվրագոտու 17 երկրների ֆինանսների և էկոնոմիկայի նախարարների քննարկումներից հետո:
«Թող բոլոր նրանք, ովքեր այս հարցը չարաշահելով էին զբաղվում, հանգստանան»,- հայտարարել է Յունկերը: Նա ասել է, որ քննարկվել են եվրոպական խնդրահարույց տնտեսություններ ունեցող երկրների հարցը, եվրագոտու նոր անդամ Էստոնիայի իրենց գործընկերոջ զեկույցը, ինչպես նաև ապագա տնտեսական կոլապսների դեմն առնելու նոր մեխանիզմների ստեղծումը, ինչը թույլ կտա խուսափել նմանատիպ ճգնաժամերից կամ նվազեցնել դրանց ազդեցությունը: