Իսրայելին 200 մլն դոլար ֆինանսավորում հատկացնելուց հետո Պենտագոնը կխնդրի Կոնգրեսին Իսրայելի ՀՀՊ համակարգի ամրապնդման համար տրամադրել լրացուցիչ ֆինանսավորում: Այս մասին ասվում է ԱՄՆ պաշտպանության գերատեսչության մամուլի հաղորդագրության մեջ:
«Իսրայելի անվտանգությանն աջակցությունը նախագահ Բարաք Օբամայի և Պենտագոնի ղեկավար Լեոն Պանետայի առանցքային առաջնահերթ խնդիրներից մեկն է: ԱՄՆ-ն արդեն 205 մլն դոլար է տրամադրել իսրայելական «Երկաթե գմբեթ» հակահրթիռային պաշտպանությանն աջակցության համար: Պենտագորնը պատրաստվում է խնդրել Կոնգրեսին անհրաժեշտ ֆինանսավորում տրամադրել ՀՀՊ համակարգերի ամրապնդման համար»,- ասվում է հաղորդագրության մեջ, որը մեջբերում է RIA Novosti-ն:
Ավելի վաղ համաշխարհային ԶԼՄ-ները հաղորդում էին, որ Իսրայելը պատրաստվւմ է հարված հասցնել Իրանին:
ՀՀՊ համակարգերը Իսրայելում ակտիվորեն մշակվում են 2006 թ. լիբանանյան պատերազմից հետո, որի ընթացքում Իսրայելի հյուսիսային հատվածի վրա ուղղվեց 4000 հրթիռ: ՀՀՊ համակարգերը զարգացնելու համար խթան հանդիսացան Իսրայելի հարավում երկարամյա հրթիռակոծությունները, որոնց ինտենսիվությունը հնարավոր եղավ թուլացնել միայն 2008-2009 թթ. գործողություններից հետո, որոնց զոհ գնաց 1500 պաղեստինցի:
Պենտագոնը նշում է, որ իրենք բանակցում են Իսրայելի կառավարության հետ «Երկաթե գմբեթ»-ի ամրապնդման հարցում և համոզված են, որ դա անհրաժեշտ է:
«Ամսվա սկզբին հրթիռային հարձակումների ժամանակ «Երկաթե գմբեթը» կարևոր դեր խաղաց Իսրայելի անվտանգության հարցում: Համակարգը որսացել է 300 հրթիռների 80%-ը՝ պահպանելով բազմաթիվ մարդկային կյանքեր»,- ասվում է փաստաթղթում:
ԱՄՆ-ը և մի շարք եվրոպական երկրներ Իրանին մեղադրում են միջուկային զենք մշակելու մեջ: Թեհրանն իր հերթին հերքում է բոլոր մեղադրանքները՝ հավաստիացնելով, որ իր միջուկային ծրագիրը բացարձակապես խաղաղ նպատակներ ունի:
