Թուրքական Haber Türk-ի փոխանցմամբ՝ TRT Haber հեռուստաալիքով կիրակի օրերին հեռարձակվող «Մեծ հետապնդում» հաղորդաշարի այս շաբաթվա թեման հանդիսացել են հետախուզական կազմակերպությունների գործունեությունն ու հետախուզական տեխնոլոգիաները: Դա մասնավորապես վերաբերել է տարբեր երկրների հետախուզական ծառայությունների կողմից ջիների օգտագործմանը:
Հաղորդաշարի հեղինակները նշել են, որ ամերիկայն Կենտրոնական հետախուզական վարչությունն (ԿՀՎ) ու իսրայելական «Մոսադ»-ն աշխատում են ջիների հետ: Նրանք հավելել են, որ ջիների հետ աշխատելու ամենամեծ փորձն ունի ռուսական Պետական անվտանգության կոմիտեն (ՊԱԿ): Ռուսական սուզանավերը ջիների օգնությամբ հետախուզական տվյալներ են հավաքում:
Հաղորդման մեջ նաև նշվել է, թե ինչպես է մի անգամ ՆԱՍԱ-ի աշխատակիցը եկել Թուրքիայի Սաքարյա շրջանում բնակվող Յալչըն բեյի մոտ, որը ճանաչված վարպետ է տվյալ շրջանում: ՆԱՍԱ-ի աշխատակիցը նրան հայտնել է, որ իրենք բազմաթիվ արբանյակներ ունեն տիեզերքում, որոնք ժամանակ առ ժամանակ փչանում են՝ հարցնելով, թե արդյոք կարելի՞ է ջիների միջոցով վերանորոգել դրանք:
