Գործարար պատգամավոր Սամվել Ալեքսանյանն «Առաջին լրատվական»-ի հետ զրույցում Դուբայից ողջունեց իր հետ թիվ 7 ընտրատարածքում առաջադրված «Ժառանգություն» կուսակցության ղեկավար Րաֆֆի Հովհաննիսյանի ինքնաբացարկի որոշումը:
«Ինչ վերաբերում է նույն ընտրատարածքում ինձ հետ առաջադրված մյուս թեկնածուի՝ Նիկոլ Փաշինյանի ցանկությանը՝ ինձ հեռուստաբանավեճի հրավիրել, նշեց, որ չի բացառում նման հանդիպման հնարավարությունը:
Պատգամավորը նկատեց, որ առաջադրվող թեկնածուների նկատմամբ ընտրողների վերաբերմունքը ձևավորվում է ոչ թե վերջիններիս մեծ-մեծ խոսելով, այլ կոնկրետ գործերով: «Նրանով, ինչով ես զբաղված եմ եղել միշտ»,- պարզաբանեց խորհրդարանականը:
Հիշեցնենք, որ այսօր լրագրողների հետ հանդիպման ժամանակ «Ժառանգություն» կուսակցության նախագահ Րաֆֆի Հովհաննիսյանը հայտարարել էր թիվ 7 ընտրատարածքում ինքնաբացարկի մասին:
Հիշեցենք նաև, որ թիվ 7 ընտրատարածքում առաջադրված թեկնածու, ՀԱԿ անդամ Նիկոլ Փաշինյանն այսօր` մարտի 26-ին կայացած մամուլի ասուլիսում, իր հիմնական մրցակից, ՀՀԿ-ի կողմից առաջադրված թեկնածու, գործարար Սամվել Ալեքսանյանին հրավիրել էր հեռուստաբանավեճի՝ հավելելով, որ դա կլինի վերջին շրջանում ամենամեծ վարկանիշ ունեցող հաղորդումը: Նա խոստացել էր, որ թիվ 7 ընտրատարածքում շատ բուռն պայքար է ծավալվելու:
