ԱՄՆ Հանրապետական կուսակցության թեկնածու Ռիք Սանտորումը շաբաթ օրը հաղթել է Լուիզիանայի նախնական ընտրություններում ` պարտության մատնելով Միթ Ռոմնիին:
Սանտորումը աջակիցներին ասել է. «Մենք դեռ այստեղ ենք: Մենք դեռ պայքարում ենք: Մենք դեռ հավատում ենք»:
Չնայած Սանտորումի այս հաղթանակին, Միթ Ռոմնին իր հաղթանակների թվով դեռևս առջևում է:
Սանտորումը Ռոմնիի դեմ փորձում է պայքարել «պահպանողականության» իր խաղաթղթով` Ռոմնիին մեղադրելով ոչ պահպանողական լինելու մեջ: Սանտորումը իր մասին հայտարարել է, որ ինքը նախագահական ընտրություններում չի ներկայանում որպես պահպանողական թեկնածուներից որևէ մեկը, այլ հենց որպես միակ պահպանողական թեկնածու:
