Ռուսաստանցի նավաստիները, որոնք դեռ փետրվարի վերջին պատանդ էին վերցվել Նիգեր գետի դելտայում, երեկ ազատ են արձակվել: Այս մասին հաղորդում է Interfax գործակալությունը` հղում կատարելով Նիգերիայում ՌԴ դեսպանին:
Նավապետ Վիկտոր Պիկուսը և ավագ մեխանիկ Վյաչեսլավ Մելնիկովը Մոսկվա կվերադառնան առաջիկա օրերին: Նշվում է, որ ռուսաստանցիների հետ ազատ է արձակվել նաև մեկ ֆիլիպինցի, որը նույնպես անվտանգության մեջ է:
Հիշեցնենք, որ փետրվարի 28-ին «Բրիզ Քլիփերս» նավի ուղղությամբ կրակ էին բացել ծովահենները և գրավել այն` պատանդ վերցնելով նավապետին և անձնակազմի երկու անդամի:
