Հոլիվուդի գլխավոր ինդուստրիալ ռեսուրսը` Variety պարբերականը, կվաճառվի: Այս մասին վկայում է RBI (Reed Business Information) հոլդինգի ներկա սեփականատիրոջ ուրբաթ երեկոյան տարածած հայտարարությունը։
Variety պարբերականն ԱՄՆ-ում լույս է տեսնում 1905 թվականից, իսկ 1907 թ. այնտեղ հայտնվեց աշխարհում առաջին կինոգրախոսականը: Տվյալ պահին պարբերականը գոյություն ունի ոչ միայն պարբերականի, այլ նաև կայքի տեսքով։ Այս մասին գրում է РИА Новости-ն:
«Variety-ն արդեն դասկան է դարձել: Այս պարբերականը կինո և ժամանցային ինդուստրիայում գոյություն ունի ավելի քան 100 տարի: Քանի որ RBI-ն ավելի կենտրոնացված է տեղեկատվական ծառայությունների մատուցման վրա, ապա եկել է այդ բիզնեսին հրաժեշտ տալու ժամանակը: Variety–ն չափազանց տաղանդավոր թիմ է: Ես չեմ կասկածում, որ նոր սեփականատերերի ժամանակ այս բիզնեսը կշարունակի զարգանալ և բարգավաճել»,- հավաստիացնում է RBI-ի գլխավոր տնօրեն Մարկ Քելսին:
Անցած տարվա վերջին հայտարարվել էր Variety-ի ռուսական տարբերակի ստեղծման մասին, որը կհրատարակի Планета Информ խումբը:
