CNET կայքը, հղում անելով հոլանդական Microsoft-ի կայքին, նշել է, որ աշխատանքները Windows8 օպերացիոն համակարգի վրա շարունակվում են: Ըստ կայքի՝ այդ աշխատանքները կտեւեն մոտ երկու տարի:
Այս տարի համացանց արդեն ներթափանցել են Windows8-ի որոշ տվյալներ` 3D դիսփլեյի հնարավորություն, ինչպես նաեւ հեռուստացույցի հետ անլար միացում: Համակարգը պետք է աչքի ընկնի արագ բեռնավորմամբ, իսկ գաղտնաբառի փոխարեն համակարգը կմիանա` ճանաչելով օգտագործողի դիմային առանձնահատկությունները:
Սակայն ընկերության ներկայացուցիչները վստահ չեն, որ նոր Windows8-ը կկրկնի նախորդի հաջողությունը, որը վաճառվել է 240 մլն օրինակով եւ դարձել ամենավաճառվող օպերացիոն համակարգը: Այն հարցին, թե որն է ընկերության ամենառիսկային ծրագիրը, Microsoft-ի տնօրեն Սթիվ Բալմերը պատասխանել է, որ դա հաջորդ Windows-ն է: