Գերմանիայի իշխանությունները մտադիր են ոչ թե 7.4 տոկոսով, ինչպես ավելի վաղ կանխատեսվում էր, այլ 12 տոկոսով մեծացնել EADS ընկերությունում ունեցած մասնաբաժինը: Այս մասին գրում է Financial Times Deutschland-ը:
Այս եղանակով ԳԴՀ-ի ղեկավարությունը, ինչպես և Ֆրանսիան, կտնօրինի Airbus ինքնաթիռներ արտադրողի բաժնետոմսերի 15 տոկոսը:
Անցած տարվա նոյեմբերին հայտնի դարձավ, որ Daimler ավիակոնցեռնը կվաճառի EADS-ի բաժնետոմսերի 7.5 տոկոսը:
FTD-ի տվյալով` կառավարությունը մտադիր է գնել նաև Dedalus կոնսորցիումի արժեթղթերի 4.5 տոկոսը, որը 2007 թ. ձեռք էր բերել EADS-ի ակցիաների 7.5 տոկոսը` առանց Daimler-ի ձայնի իրավունքի:
Փաթեթի գինը, որը պատրաստվում է գնել Գերմանիայի կառավարությունը, գնահատվում է 3 մլրդ եվրո:
Daimler -ը, որը տնօրինում է EADS-ի բաժնոտոմնսերի 15 տոկոսն ու ձայների 22.5 տոկոսը, ցանկացնում է ազատվել իր մասնաբաժնից, քանի որ այն ավտոկոնցեռնի համար ոչ պրոֆիլային բիզնես է:
ԳԴՀ-ի իշխանություններն էլ ցանկանում են ներդրողներ գտնել տեղական ընկերությունների մեջ, որպեսզի պահպանեն «Գերմանիա-Ֆրանսիա» ուժերի հարաբերակցությունը EADS-ի կառավարման հարցում: Ֆրանսիացիներին է պատկանում ձայների 22.5 տոկոսը` բաժնետոմսերի 15 տոկոսը կառավարում է պետությունը, 7.5-ը` Lagardere մեդիաընկերությունը։
