Բակո Սահակյանի մոտ մարտի 23-ին տեղի է ունեցել Անվտանգության խորհրդի նիստ, որի ընթացքում քննարկվել է Լեռնային Ղարաբաղի Հանրապետության քաղաքացիական պաշտպանության հայեցակարգի նախագիծը:
Օրակարգի հարցի վերաբերյալ զեկույցով հանդես է եկել փրկարար ծառայության տնօրեն Արթուր Հարությունյանը:
Նախագահ Սահակյանը քաղաքացիական պաշտպանության կազմակերպումը և իրականացումը համարել է պետության կարևորագույն գործառույթներից մեկը և պետական անվտանգության բաղկացուցիչ ու անբաժանելի մասը:
Երկրի ղեկավարը հավանություն է տվել քաղաքացիական պաշտպանության հայեցակարգի նախագծին և անվտանգության խորհրդի քարտուղարին հանձնարարել սահմանված կարգով ընթացքավորել և հաստատման ներկայացնել այն` համապատասխան հանձնարարականներով:
