Այսօր լրագրողների հետ հանդիպման ժամանակ «Նաիրի ինշուրանս» ապահովագրական ընկերության գործադիր տնօրեն Գոռ Խաչատրյանը նշեց, որ, հունվարի 15-ի դրությամբ, իրենց մոտ ապահովագրվել է 31 հազ. ավտոմեքենա, որը, ըստ նրա, հանրապետությունում ապահովագրված մեքենաների մոտ 10 տոկոսն է։ Սա նշանակում է, որ արդեն ԱՊՊԱ պայմանագրեր ունի ավելի քան 300 հազար մեքենա` հաշվառման մեջ գտնվող 420-430 հազարից:
«Ռեսո» ապահովագրական ընկերության տնօրեն Սամվել Գրիգորյանն էլ ներկայացրեց ապահովագրական պատահարների և փոխհատուցումների վերաբերյալ իրենց ընկերության տվյալները: Ըստ նրա` տարվա առաջին երկու օրերին գրանցվել է 30 զանգ։ Այսօրվա դրությամբ, ըստ Ս. Գրիգորյանի, իրենք ստացել են 174 զանգ, որոնցից 43-ի դեպքում տուժածները առաջիկա մի քանի օրերին կստանան փոխհատուցումը։ 70 դեպք էլ գտնվում է քննության փուլում մեղավորներին ճշտելու համար։
