Գումարները, որոնք ամերիկացիները պետք է վճարեն կրթական վարկերի համար, 2011թ. վերջին գերազանցել է տրիլիոն դոլարը: Ինչպես նշվում է The Wall Street Journal հրապարակման մեջ՝ գումարի չափը շատ ավելին է, քան եղել է նախկինում:
Սպառողների ֆինանսական սպասարկման իրավունքների պաշտպանության
պետական գործակալությունը(CFPB)
նշել է կրթական վարկերի աճի մի քանի պատճառներ. նախ` ավելացել է կրթություն ստանալ ցանկացող ամերիկացիների թիվը, և ապա`պետական ֆինանսավորման կրճատման հետևանքով բուհերը բարձրացրել են ուսման վարձերը:
Բացի այդ` ավելացել են նախորդ վարկերի տոկոսները, քանի որ բազմաթիվ ուսանողներ ֆինանսական խնդիրների պատճառով չեն կարողանում ժամանակին վճարել անհրաժեշտ գումարները:
Այս խնդիրն ԱՄՆ-ում ստացել է քաղաքական հնչերանգ: 2011թ. հոկտեմբերին նախագահ Բարաք Օբաման հայտարարել էր, որ մտադիր է նվազեցնել ամերիկացիների վարկերի դիմաց վճարվելիք գումարները:
