Ինչպես տեղեկացնում է բելգիական Belgovision կայքը, որը Բելգիայի ընթերցողներին է ներկայացնում Եվարտեսիլի նորությունները, այսօր 38 երկրներ կբաժանվեն երկու խմբի, որոնցում կպայքարեն 2011 թ. Եվատեսիլի եզրափակչին մասնակցելու համար: Վիճակահանությունը կսկսվի Հայաստանի ժամանակով ժամը 18:00—ին:
Կայքի հաղւրդմամբ, տարածաշրջանային և ավանդաբար մեկը մյուսին բարձր միավորներ տվող երկրների՝ նույն կիսաեզրափակիչում հայտնվելու գործոնից խուսափելու համար կազմակերպիչները երկրներին նախապես բաժանել են 6 զամբյուղներով: Հայաստանը հայտնվել է 4-րդ զամբյուղում Բելգիայի, Հոլանդիայի, Թուրքիայի, Կիպրոսի և Հունաստանի հետ:
Մյուս զամբյուղներն ունեն հետևյալ տեսքը.
Զամբյուղ 1` Ալբանիա, Բոսնիա, Խորվաթիա, Մակեդոնիա, Սլովենիա, Շվեյցարիա,
Զամբյուղ 2` Դանիա, Էստոնիա, Ֆինլանդիա, Իսլանդիա, Նորվեգիա և Շվեդիա,
Զամբյուղ 3` Ադրբեջան, Վրաստան, Բելառուս, Իսրայել, Մոլդովա, Ռուսաստան և Ուկրաինա,
Զամբյուղ 5` Իռլանդիա, Լատվիա, Լիտվա, Մալթա, Պորտուգալիա և Ռումինիա,
Զամբյուղ 6` Ավստրիա, Բուլղարիա, Հունգարիա, Լեհաստան, Սան Մարինո և Սլովակիա։
Հայտնի է նաև, որ Իսրայելը խնդրել է, որպեսզի մայիսի 10-ի կիսաեզրափակիչին իրենք չմասնակցեն, քանի որ դա իրենց ազգային տոնի օրն է: